Emlewxana tariyxı

Respublikalıq qániygelestirilgen onkologiya hám radiologiya ilmiy-ámeliy medicina orayınıń Qaraqalpaqstan filialı haqqında qısqasha tariyxıy maǵlıwmatnama.
Qaraqalpaqstan Respublikası Onkologiya dispanseri medicinalıq xızmeti birinshi márte 1952 jılı 10 koykadan ibarat qalalıq emlewxana imaratı bir bóliminde shólkemlestirilgen. Onkologiyalıq dispanserdiń daslepki bas shıpakeri Faid Abduraxmanovich. 1962 jılı radiologiya korpusı imaratı qurılısınıń tamamlanıwı menen Onkologiya dispanseri stacionar bólimleri 50 koykaǵa keńeytirildi. 1967 jılı Qaraqalpaqstan Respublikası onkologiya dispanseriniń 150 koykadan ibarat taza imaratı qurılıp paydalanıwǵa tapsırıldı. Sol waqıttan baslap Tarakoabdominal xirurgiya bólimi, Hayallar reproduktiv aǵzalar keselligi bólimi, Ulıwma onkologiya bólimi, ximiyaterapiya bólimi, radiologiya bólimi, shólkemlestiriw metodikalıq jardem bólimi. Poliklinika, citologiya , klinika bioximiya laboratoriyası jumıs islep basladı. 1972 jılı Ózbekstan SSR Den sawlıqtı saqlaw ministrligi Onkologiya hám Radiologiya Ilim Izertlew Institutı Qaraqalpaqstan filialı bolıp shólkemlestirilgen.
Ózbekstan Respublikası Prezidentiniӊ 2011 jıl 28 noyabrdaǵı “Soǵliqni saqlash tizimini isloh qilishni yanada chuqurlashtirish chora-tadbirlari twǵrisida”gi PK-1652-sonli Qararı tiykarında onkologiya dispanserlerin kapital ońlaw hám rekonstrukciya qılıw Investiciya joybarına kiritilip 2013 jıl mámleketlik joybar boyınsha tazadan poliklinika hám 40 koykadan ibarat radiologiya korpusı iske tusti. 2014 jıl nawqaslar emlenetuǵın eski stacionar bóliminde kapital ońlaw jumısları alıp barıldı.
Filial Ózbekstan Respublikası Den Sawlıqtı saqlaw ministrliginiń 1993 jıl 12 dekabrdegi №631 sanlı “Osma kasalliklarini profilaktikasi, erta diagnostikasi va davolanishni yanada takommillashtirish” buyrıǵı tiykarında jumıs alıp baradı.
Qaraqalpaqstan Respublikası Den sawlıqtı saqlaw ministrliginiń 2018 jıl 7 sentyabr №329 sanlı buyrıǵına tiykar Respublika Qanigelestirilgen Onkologiya hám Radiologiya Ilmiy-Ámeliy medicina orayı Qaraqalpaqstan filialına ózgertildi. Filialdıń házirgi kúndegi dúzilmesi 160 orınnan ibarat bolıp: Torakoabdominal bólimi 30 orın, Hayallar reproduktiv aǵzalar keseslligi bólimi 30 orın, Ximioterapiya bólimi 20 orın, Palliativ jardem bólimi 20 orın, Ulıwma onkologiya bólimi 20 orın, Radiologiya bólimi 40 orın.
Kórsetilgen bólimlerden tısqarı paraklinik bólimlerden ibarat:
Bular-150 qatnawǵa mólsherlengan dispanser bólimi. Darixana. Oraylastırılǵan sterilizaciya bólimi. Rentgen diagnostika bólimi. Klinik, bioximik laboratoriya bólimi. Patomorfologiya bólimi. Shólkemlestiriw metodika bólimi. Arxiv. Xojalıq bólimleri. Administraciya (buxgalteriya, kadrlar bólimi)
Oray filialı Qaraqalpaqstan Respublikası Nókis qalası M.Djumanazarov kóshesi, 29 úyde jaylasqan.